ZORIONAK ETA MILA ESKER

Familia agurgarriak,

Larunbatean, hilak 28, Gasteizko kaleak bete genituen.Arabako herri eta Gasteizko auzoetako familia, ikasle, langile eta herritarron ahotsak entzun ziren.

Asko izan da egunotan egin dugun lana. Ilusioz beterik, adin ezberdinetako kideok, haurrak, gazteak zein nagusiak, gure indarra batu  eta gure nahia zein den ondo baino hobeto adierazi  dugu:  inposizioen gainetik gure hezkuntza eraiki nahi dugu.Egunez egun, denok elkarrekin, denok elkarlanean…Saltoa eman dugu.Gure hezkuntza eraikitzera goaz!

Gure eskerrak beroenak eman nahi dizkizuegu guzti-guztioi. MILA ESKER eta ZORIONAK!

Egunotan argazki eta bideotxoak jasotzen ari gara. Informazio guztia biltzen dugunean berbidaliko dizuegu.

Plataformaren hurrengo bilera abenduaren 9an, asteazkena, 19:00etan Landatxon izango da.