Umandi

FAMILIAK MENDIRA. MAITZAREN 29AN.


SABIGAINEguraldi onaren etorrerarekin irteera berri bat egitera animatu zaitezte. Etorri!

Gure gida, Egoitz izango da oraingoan eta Urkiolako Parkean dagoen Sabigain tontorra ezagutuko dugu berarekin. Igoerak ordu bateko iraupena du eta bide eroso batetik izan arren malda du hasieran.

Sabigain, bere bikia den Urkiolamendi bezala, Urkiolako mendatearen alde batera kokatuta dago. Aipatutako tontorretatik Urkiola osoa ikus daiteke.

Irteera hau, datorren igandean, maiatzaren 29an izango da. 10:30ean geratuko gara Urkiola parkean, Bizkarra jatetxearen ondoko aparkalekuan.

Irteeraren kronika umandi.eus. web orrian zintzilikatzen da. Bilatzailean irteeraren izena jartzen baduzue, agertu egiten da (adib:Zabalgana).

Zuen zain izango gara,

Umandi Ikastolako guraso elkartea.

UMANDI IKASTOLAKO VII TRUKAKETA. 2015/2016 ikasturtea


Datorren ostiralean, maiatzaren 27an, Umandi Ikastolako VI Trukaketa ospatuko dugu.

Aurrekoan bezala, 17:00etan lehen hezkuntzako zarrerako aterpean bilduko gara. Hara trukatu nahi ditugun gauza guztiak eramango ditugu: liburuak, jostailuak, musika, kirol-materiala, arropa, puzleak … NAHI DUZUEN GUZTIA,EGOERA ONEAN DAGOENA!!!

Trukaketa parte hartu nahi duten ikasle, guraso eta maisu-maistrei zuzendua dago. Nahi izanez gero, lagunei ere gonbidapena luzatu ahal diezue. Gero eta gehiagok parte hartu, interesgarriago izango da.

Gogoratu:

  • Trukatu nahi dituzun gauzak ikusgai egoteko maindire zahar bat ekar dezakezu.
  • Trukaketa lasai hartu. Hasi baino lehen partaide guztiak prest egotea eta gustuko ditugun gauzak behatzea komenigarria da.
  • Ekartzen duzuna gero eta egoera hobean egon, trukaketa hobeak egin ahal izango dituzu.
  • TRUKAKETA, bi edo pertsona gehiagok elkarrizketaren bidez zer edo zer trukatzeko adostasunera iristeko espazioa da. Dirurik gabe eta modu baketsu batean gertatzen da.
  • Beste norbaitekin joatea komenigarria da, bata tokian gelditu eta bestea leku desberdinak ikustera joan ahal izateko.
  • Zure iritsi oso garrantzitsua da. Trukaketak irauten duen bitartean koaderno bat jarriko dugu. Bertan, zure gomendioak, iritziak, gustuko dituzun gauzak, aldatu nahi duzuna … idatzi ahal izango duzue.

HARRERA ETA ZAINTZA SERBITZUA


Gasteizen, 2016ko maiatzaren 3an

Familia maiteak:

Umandi IkastolaKo familientzat harrera eta zaintza serbitzua jarri nahi dugu. Serbitzua astelehenetik ostiralera 07:55etatik 08:55etara gauzatuko litzateke eta hau kudeatuko lukeen enpresa Magui caterin izango litzateke.

Hilabeteko zenbatekoa 10 ume gutxienez izanez gero 63,10 Euro izango da. Zenbatekoa aldatu egingo da ume kopuruaren eta horretarako beharrezko liratekeen begiraleen arabera. .Interesa duzuen familiak bete datuak eta GEko postontzian sartu.

Mila esker.

Umandi Guraso Elkartea

3. MAILAKO EBALUAKETA DIAGNOSTIKOA


Vitoria- Gasteizen, 2016ko apirilaren 23an

Familia agurgarriak:
2016ko apirilaren 13an Eskola Kontseiluko ( Ordezkaritza Organo Gorena) ez ohiko bilera egon zen LOMCEk ezartzen duen 3. Mailako Ebaluaketa Diagnostikoari buruz erabakitzeko.

Ohar honen bidez, jakinarazten dizuegu Eusko Jaurlaritzak erabakia ikastetxeen eskuetan utzi duenez, Umandi Ikastolako Eskola Kontseilua aipatutako frogaren aurka dagoela, Administrazioaren (Eusko Jaurlaritza eta Madrilgo Gobernua) ebaluaketaren eredu argiaren ezagatik.

Jaso ezazue gure agurra.

Umandi Ikastola

FAMILIAREN DIBERTSITATEA. GURE SEME-ALABAK OSASUNTSU HAZTEKO ALTXORRA.


Azalpena

Gaur egun familiak ez dauka esanahi bakarra eta baztertzailea, eta ondoen definitzen duen hitza ANIZTASUNA da. Azken urteetan gertatutako aldaketa ugariek eragin zuzena izan dute familien eraketan eta gizarteak duen familia ulertzeko moduan, eta horrek familiaren forma eta estiloetan gero eta aniztasun handiagoa ekarri du.

Jarduera honen bitartez gurasoentzat elkarreragina eta gogoeta-guneak sortzea da asmoa, bertan familiaren egitura ezberdinen indar-guneak eta lehiak aztertu ahal izateko, beti ere kalitatezko heziketa eta gurasotasun positiboaren neurriak oinarri hartuta.

Helburuak

  • Familia bakoitzaren indar-guneak ezagutzera ematea, banakako eta taldeko onura lortzeko komunitatean.
  • Gure inguru hurbileneko elkarbizitzan bizipenak familia ezberdinekin partekatzea.
  • Jarduteko estrategiak garatzea, familiaren eta gizartearen garapen hobezinerako.
  • Familiaren indar-guneetan oinarritutako pertzepzioa taldean eraikitzea.

Tailerrak bi saio izango ditu:

Maiatzaren 10 Asteartea eta 12 Osteguna

Ordua: 15:00etatik 16:30etara

JOLAS TXOKOA


  • Noiz: ekainaren 27tik uztailaren 22ra.
  • Ordutegia: astelehenetik ostiralera 9:30-13.00, 9:00-14:00 (Harrera zerbitzuarekin).
  • Norentzat: bai Umandi ikastolan zein beste ikastetxetan matrikulatutako umeentzat. 2 urteko gela, haur Hezkuntza (1., 2. eta 3.), eta Lehen Hezkuntza, (1.,2. eta 3.)
  • Izen ematea: MAIATZAREN 5a baino lehen, orri hau eta ordainagiria AMPAko postontzian utzi beharko dituzue

KARTEL LEHIAKETA


Erabili zure irudimena eta gaitasun artistikoa gai honi buruzko kartela egiteko.

Umandi ikastolako jaia 2016.

Utzi zure proposamena folio tamainan eta zure izenarekin ikastolan horretarako jarriko en postontzian.

Parte hartu!

Emate-epea maiatzaren 16 ostirala.

Marrazki irabazleak ikastolako jaia iragartzeko kartelerako eta diptikorako erabiliko dira. Gainontzeko marrazki guztiak jaia ornatzeko erabiliko ditugu.

GURASO ELKARTEKO BILERA. DEIALDIA.


Eguna: Apirilak 20 , asteazkena.

Ordua: 17:00etan.

Non: Guraso elkartearen bulegoan.

Gaiak:

  • Aurreko aktaren irakurketa eta onartzea
  • Santako bisita, Denon Eskolakoa
  • Bilbo aseguruen proposamena
  • Eskola Kontseiluaren hauteskundeak
  • Eskola Kontseiluaren erabakiarekiko gutun informatzailea * Ikastolako Jaiaren bazkaria
  • Mintzapraktikako proposamena
  • 16/17 ikasturte kanpoko ekintzen programazioa
  • Bestelakoak

Aurreko bilerako akta

……………………

……………………

……………………

……………………

……………………